அவனுக்கு நிகராக எவரும் இல்லை

அவனுக்கு நிகராக எவரும் இல்லை

''அவனே பூமியை உங்களுக்கு விரிப்பாகவும்,  வானத்தை முகடாகவும் அமைத்தான்.  288 வானிலிருந்து தண்ணீரையும் இறக்கினான்.  அதன் மூலம் கனிகளை உங்களுக்கு உணவாக (பூமியிலிருந்து) வெளிப்படுத்தினான்.  எனவே அறிந்து கொண்டே அல்லாஹ்வுக்கு நிகராக எவரையும் கற்ப்பனை செய்யாதீர்கள்.

(அல் குர்ஆன் 2:22)

“எனது தொழுகை, எனது வணக்க முறை, எனது வாழ்வு, எனது மரணம் யாவும் அகிலத்தின் இறைவனாகிய அல்லாஹ்வுக்கே உரியன. அவனுக்கு நிகரானவன் இல்லை.  இவ்வாறே கட்டளையிடப்பட்டுள்ளேன். முஸ்லிம்களில்  நான் முதலாமவன்” என்றும் கூறுவீராக!

(அல் குர்ஆன் 6:162-163)

அவனுக்கே வானங்கள் மற்றும் பூமியின் அதிகாரம் உள்ளது. அவன் பிள்ளையை ஏற்படுத்திக் கொள்ளவில்லை. அதிகாரத்தில் அவனுக்கு எந்தப் பங்காளியும் இல்லை. அவன் ஒவ்வொரு பொருளையும் படைத்தான். அதைத் திட்டமிட்டு அமைத்தான்.

(அல் குர்ஆன் 25:2)

(அவன்) வானங்களையும், பூமியையும் படைத்தவன். உங்களுக்கு உங்களிலிருந்தே ஜோடிகளையும், (கால்நடைகளுக்கு) கால் நடைகளில் ஜோடிகளையும் ஏற்படுத்தினான். பூமியில் உங்களைப் பரவச் செய்தான். அவனைப் போல் எதுவும் இல்லை. அவன் செவியுறுபவன்;பார்ப்பவன்.

(அல் குர்ஆன் 42:11)

அல்லாஹ்வுக்கு உதாரணங்களைக் கூறாதீர்கள்! அல்லாஹ்வே அறிவான். நீங்கள் அறிய மாட்டீர்கள்.

(அல் குர்ஆன் 16:74)